Marathi Ayush Darpan

सलाम मराठी परंपरेला आणि महाराष्ट्राच्या मराठी मातीला

सलाम मराठी परंपरेला आणि महाराष्ट्राच्या मराठी मातीला
सलाम मराठी परंपरेला आणि महाराष्ट्राच्या मराठी मातीला

Monday, July 4, 2016

ड्रिंक्स ची संस्कृती

#घरोघरी_आयुर्वेद  #आयुर्कामः

'ड्रिंक्सची संस्कृती'

आजकाल आपल्याकडे विशेषतः शहरांत मद्यपानाची प्रवृत्ती ही वाढू लागली आहे. 'पार्टी कल्चर' हीच सध्या संस्कृती होऊ पाहत आल्याने मद्यपानाला 'ड्रिंक्स घेणे' असे सभ्य नाव आणि सन्मानाचा सामाजिक दर्जा आपण देऊ केला आहे. पुरुष असोत वा स्त्रिया; अगदी तरुणांमध्येही मद्यपान लक्षणीय प्रमाणात दिसून येत आहे.

खरंतर मद्याचा इतिहास हा जुना आहे. आयुर्वेदात मद्याचे गुण-दोष वर्णन केलेले आहेत. (याविषयी स्वतंत्रपणे लिहीन.) आहारात मद्याचा वापर हा भारतीयांना काही नवीन नाही. असे असले तरी पूर्वीपासूनच आपल्याकडे स्त्रियांनी मद्यपान करणे प्रशस्त मानलेले नाही. यामागे 'पुरुषप्रधान संस्कृती' आहे असा कांगावा काहीजण करतात. शरीररचना आणि क्रियेच्या नजरेतून पाहिल्यास सत्य मात्र याहून भिन्न असल्याचे दिसते. पुरुषांच्या शरीरात सुमारे ६२% पाणी तर स्त्रियांच्या शरीरात ५२% पाणी असते. या पाण्याच्या कमी प्रमाणामुळेच स्त्रियांना पुरुषांच्या तुलनेत मद्यपानाचे दुष्परिणाम अधिक जाणवतात. याशिवाय स्त्री आणि पुरुष यांच्या शरीरातील उत्प्रेरके- संप्रेरके यांचे प्रमाण वेगवेगळे असल्यानेदेखील मद्यपानाचे दुष्परिणाम त्यांना अधिक जाणवतात.

ब्रिटिश मेडिकल जर्नलच्या निरीक्षणानुसार नियमित मद्यपान हे स्त्रियांमधील वंध्यत्वाला कारणीभूत ठरू शकते असे आढळले आहे. हे सर्व वाचून; पुरुषांनी सुटकेचा निःश्वास टाकू नये. मद्यपानाचे परिणाम शुक्राणूंची संख्या आणि गुणवत्ता या दोहोंवरही होत असल्याने 'मूल होत नाही' अशी तक्रार असणाऱ्या जोडप्याने मद्यपानाचा त्याग करणे गरजेचे आहे.

© वैद्य परीक्षित शेवडे; MD (Ayu.)
आयुर्वेदज्ज्ञ- लेखक- व्याख्याते
।। श्रीव्यङ्कटेश आयुर्वेद ।। डोंबिवली
संपर्क: ०२५१-२८६३८३५

No comments:

Post a Comment

Visit Our Page