Marathi Ayush Darpan

सलाम मराठी परंपरेला आणि महाराष्ट्राच्या मराठी मातीला

सलाम मराठी परंपरेला आणि महाराष्ट्राच्या मराठी मातीला
सलाम मराठी परंपरेला आणि महाराष्ट्राच्या मराठी मातीला

Friday, December 25, 2015

विषबाधा.

  विषबाधा.     


    होम मिनिस्टर च्या कार्यक्रमातून घरोघरी पोहोंचलेल्या आदेश बांदेकर या प्रसिध्द अभिनेत्यास दुधी च्या रसातून विषबाधा.
ही आजची बातमी वाचुन रसाहार चिकित्सेवर थोडक्यात लेख लिहण्याचा योग आला.
      नेहमी प्रमाणे आपण हा लेख वाचून इतरांच्या उपयोगी आहे असे वाटल्यास नक्की शेयर करा व ०९३२६५११६८१ या व्हॉट्स एप वर प्रतिक्रिया द्या.
      सध्या आपणास पाहण्यात येते की शहरातील चौकाचौकातून, वॉकींग ट्रॅक च्या शेजारी, विविध बाग बगिच्याच्या शेजारी सकाळ सकाळी विविध पालेभाज्यांचे, आवळा शरबत, गाजर बीट शरबत,्तुळस -पुदिना शरबत, कोरफड शरबत, गव्हांकुराचे ज्युस विक्री साठी आलेले असतात. पहाटे ४-५ वाजल्यापासुन हे ज्युस विक्रेते विविध पालेभाज्यांचा र्स विकत असतात. सर्व आजांरावर रामबाण उपाय अशा प्रकारचे फलक किंवा छापील पत्रके ते वाटत असतात. कॅन्सर पासुन एड्स, मधुमेह, हार्टएटॅक या सारख्या विविध आजारांवर रामबाण उपाय असा त्यांचा दावा असतो.
विविध पालेभाज्यांचे विविध गुणधर्म असतात, त्यामध्ये काही पालेभाज्या औषधी वापरासाठीही असतात. परंतु व्यक्तीची प्रकृती-त्याचे आरोग्य-त्याला असलेले आजार यानुसार औषधी ठरत असतात. समजण्यासाठी काही उदाहरणे घेऊ.
मधुमेह आहे, त्यास कडुनिंबाचा रस अत्यंत फायदेशीर म्हणुन कित्येक लोक सकाळ सकाळी कडुनिंबाचा ग्लास भर रस पितात. नित्यनियमाने दररोज कडुनिंबाचा ग्लास भर रस पिण्याने त्यातील कडू रसाच्या अतिसवनाने सांधेवात, सांधेदुखी चा आजार का नाही उद्भवणार, तुप खाल्ले की लगेच रुप येत नाही या नियमानुसार नित्य नियमाने कडुनिंबाचा रस पिणारया लोकांमध्ये लैगिक शक्ती देखील कमी होते. त्वचेवर कोरडेपणा येऊ शकतो.
        याच पध्दतीने नित्य नियमाने कोरफडीचा रस देखील कित्येक लोक पितात त्यांना देखील कालांतराने किंड्नीचे गंभीर आजार होऊ शकतात असे अभ्यासातुन सिध्द झालेले आहे.
सतत अतिमात्रेमध्ये मुळ्याचा रस पिला तर कालांतराने पचनाच्या तक्रारी उद्भवू शकतात. लहान आतड्यामध्ये अल्सर, आतड्यांना सुज असलेल्यांनी मुळा रस सेवन करणे अहितकर असते.
        दुधी भोपळ्याचा रस काढताना पहिल्यांदा त्याचा थोडासा तुकडा चाखुन बघावा, कित्येकदा काकडी प्रमाणेच दुधी भोपळा देखील कडू असतो. कडू प्रकारातील दुधी भोपळ्याने विषबाधा होण्याची शक्यता असते. दुधी भोपळा रसामध्ये शक्यतो इतर कोणत्याही पालेभाज्यंचा रस एकत्र करू नये.
याच पध्दतीने ग्व्हांकुर रस , अत्यंत फायद्याचे असलेले हे ग्व्हांकुर रस शक्यतो घरीच गव्हाची रोपे लावुन त्यापासुन ताजा रस काढावा किंवा ते गव्हांकुर चावून खावे. १० मिनीटापेक्षा जास्त काळ रस काढून ठेवलेल्या गव्हांहुर रसा चा शरीराला काही एक फायदा होत नाही.
पालेभाज्यांचा रस आपल्या तब्येतीसाठी अत्यंत आवश्यक असतो, पण आपल्या प्रकृतीला काय आवश्यक आहे, आपल्या कोणत्या आजारासाठी कोणता रसाहार आवश्यक आहे, त्याची मात्रा किती हवी, किती दिवस घेणे आवश्यक आहे, कशा पध्दतीने घेणे आवश्यक आहे याचा अभ्यास महत्वाचा असतो . आपली पचन शक्ती चा देखील अभ्यास महत्वाचा असतो.
        पालेभाज्यांचा रस काढताना त्या स्वच्छ धुवुन थोडयाशा वाफवुनच त्याचा रस काढावा. वाफविल्यामुळे तो रस पचनासाठी सोपा असतो. चवीसाठी आले, लसूण, जिरे, मिरी, सुंठ, हिंग, मोहरी यांचा वापर असावा. शक्यतो घरी पालेभाज्या आणुनच त्याचा रस काढुन प्यावा.
पालेभाज्यांच्या बाह्य आवरणावर हजारो बारीक बारीक अतिसूक्ष्म जंतू असण्याची शक्यता असते. पालेभाज्यांचा रस काढणारी मंडळी कटाक्षाने प्रत्येक पान न पान स्वच्छ धुऊन रस काढत असतील का? त्यामुळे ज्यांना कृमी, जंत, आमांश, पोटदुखी, जुलाब, उलटय़ा, उदरवात हे विकार नेहमी नेहमी होत असतात, त्यांनी पालेभाज्या काळजीपूर्वक निवडून स्वच्छ करूनच खाव्यात. पोटाची तक्रार असणाऱ्यांनी कच्च्या पालेभाज्या किंवा पालेभाज्यांचा रस टाळलेलाच बरा.
         कित्येक ठिकाणी तर ताज्या पालेभाज्या उपलब्ध नसताना घरी बाजारातून आणलेल्या सुक्या पावडर मध्ये पाणी कालवुन ते ताजे ज्युस आहे असे भासवुन विकले जाते. उदाहरणात बाजारामध्ये दुधी भोपळ्याचे पावडरही मिळते, कारले पावडर ही मिळते, कडुनिंब पत्र पावडरही मिळते, कोरफड-आवळा पावडर ही मिळते. यामध्ये पाणी कालवले की विकायला तयार.
लक्षात घ्या कित्येक असाध्य आजांरावर पालेभाज्यांचे रस चिकित्सा उपयुक्त ठरली आहे. ही माहीती आपणास देण्याचा एकच उद्देष की औषधा साठी एखाद्या रसाचा/ज्युस चा वापर करायचा असेल तर तो चिकित्सकाच्या सल्ल्यानेच करावा. आयुर्वेदिक डॉक्टर्स आपणास या बाबत चांगले मार्गदर्शन करु शकता. ऐकीव माहितीवर किंवा कोठेतरी वाचुन स्व चिकित्सा करणे हानीकारक ठरते.
डॉ. पवन लड्डा
लड्डा आयुर्वेदिक चिकित्सालय
पंचकर्म Slimming-Fitness-Beauty-गर्भसंस्कार
OBESITY REDUCTION CENTER
लातूर
व्हॉट्स एप नंबर ०९३२६५ ११६८१

No comments:

Post a Comment

Visit Our Page