फॅट टॅक्स !!

दैनंदिन आयुर्वेद - फॅट टॅक्स !!

भारतात कधी , कशावर आणि का टॅक्स लागेल याची शाश्वती नाही . पण म्हणतात ना कुछ टॅक्स अच्छे होते है . . काय ? असं कोण म्हणतं ? तुम्ही -आम्ही आणि तब्येतीची काळजी असणारा प्रत्येक जण यापुढे म्हणेल कारण . . केरळ सरकारने ज्यात 'चीज ' चा मुक्त हस्ताने वापर केलेला आहे अशा पदार्थांवर 14.5 % फॅट टॅक्स आकारण्याचा प्रस्ताव ठेवलेला आहे . . . या 'धाडसा ' बाबत सरकारचे विशेष अभिनंदन !!

भारताला मधुमेहाची राजधानी , लठ्ठ पणाची राजधानी इत्यादी 'जागतिक ' स्तरावर म्हणवून घेणे हे काही भूषण नाही . लाईफ स्टाईल डिसॉर्डर्स याबाबत आपण पुढे असणे हे खरे तर आपल्या संस्कृतीचा आणि शास्त्रांचा पराभव आहे . आपण बरेच खातो पण नक्की काय खायचे ? हे जाणून घ्यायला आपण पाश्चात्य लोकांकडे आशेने बघत बसतो . . आता ते लोक काय 'खा वरण भात तूप ' सांगणार नाहीत . . ते सांगणार ज्यूस प्या , फ्रुट्स खा , स्प्राऊट्स खा . . . . . . . चीज खा !!  झाले . . आपले लोक 'हाण पांड्या ' (अ )न्यायाने सुरू . . . तर भारतात फोफावणारे चायनीज चे लाल गाडे (गल्लीतल्या पक्याने फोडणी घातलेले नूडल्स आणि मन्चुरिअन ) तसेच चीज चे झिजणारे डोंगर हा चिंतेचा विषय आहे . . .

सॅन्डविच पासून ते दाबेली पर्यंत आणि डोसा पासून ते सामोश्या पर्यंत यत्र तत्र सर्वत्र चीज खाणाऱ्या मानवा पुढील निरीक्षणे -संशोधन वाच -

1.  Journal of the National Cancer Institute  यांच्या मते चीज स्तनाच्या कर्करोगाची शक्यता वाढवतो .

2. American Academy of Pediatrics  यांच्या मतानुसार चीज हा लहान मुलांच्यात होणाऱ्या डायबेटिज चे प्रमाण वाढवतो . तसेच रक्तातील 'आयर्न ' याचे प्रमाण कमी करतो .

3. European Journal of Cancer.यांच्या मते चीज चे अतिसेवन मूत्राशयाचा कर्करोग निर्माण करू शकतो .

4. चीज याचे सेवन मलबद्धता निर्माण करते .

5. acne होण्यामागचे प्रधान कारण चीज आहे . ( कोणताही फेस वॉश वापरला तरी पिंपल्स जात नाहीत आणि आहारात बदल करा हे पटत नाही )

6. हृदयरोगाचे वाढणारे प्रमाण .

7. लठ्ठ पणा इत्यादी !

असा हा लाडका चीज अपाय करू शकतो . तरीही आपण तो खातच राहतो कारण आपल्याला त्याची 'सवय ' लागते . स्पष्ट शब्दात सांगायचे तर 'व्यसन ' लागते . कल्पना करा की चीज शिवाय सॅन्डविच खात आहात . . आताच तोंड कडू झाले असेल !!

चीज याचा उल्लेख 'आयुर्वेदात ' नाही . परंतु लोकांचे 'स्वास्थ्य रक्षण ' हा हेतू आणि जबाबदारी मात्र आयुर्वेदात आहे आणि आयुर्वेदाने ती प्रत्येक आयुर्वेदाचार्यास दिलेली आहे . पोटाचा घेर वाढतो , तिशीत हृदयरोग होतो हे समोर दिसत असले तरी त्यामागे आपण आपल्या शरीरावर केलेले अनिर्बंध अत्याचार असतात . चीज हा त्या अत्याचारामागचा प्रमुख 'व्हिलन ' !!

कधीतरी , ट्राय म्हणून चीज खायला हरकत नाही . पण हा कधीतरी आठवड्यातून 8 दिवस नसावा इतकीच माफक अपेक्षा . . . त्यामुळे हा टॅक्स खरंच स्वागतार्ह्य आहे . . . 20 रुपयांना मिळणारी चीज दाबेली जेव्हा तिशी ओलांडेल तेव्हा 10 मधले किमान 6 लोक 'पर्यायी ' खाण्याचा विचार करतील अशी अपेक्षा ठेवायला हरकत नाही . . . कारण . .

भारत हा असा देश आहे जिथे लोक 'तूप ' यास फॅटी , अन हेल्दी मानतात आणि चीज यास 'आरोग्य दूत ' मानतात !!

वैद्य . अंकुर रविकांत देशपांडे
दैनंदिन आयुर्वेद (https://www.facebook.com/aarogyakosh/ )

(लेख कृपया लेखकाच्या नावासह व नाव न बदलता शेअर करावा . या लहानश्या कृतीने तात्त्विक आनंद व नैतिक समाधान मिळते)